{"id":992,"date":"2020-05-22T13:00:39","date_gmt":"2020-05-22T11:00:39","guid":{"rendered":"https:\/\/isunnfjord.dev.reindesign.no\/?p=992"},"modified":"2020-05-22T19:25:32","modified_gmt":"2020-05-22T17:25:32","slug":"spenst-og-helsehuset-med-fast-helsespalte-pa-isunnfjord","status":"publish","type":"post","link":"https:\/\/isunnfjord.no\/sunnfjord\/spenst-og-helsehuset-med-fast-helsespalte-pa-isunnfjord\/","title":{"rendered":"Spenst og Helsehuset med fast helsespalte p\u00e5 iSunnfjord"},"content":{"rendered":"\n

Vi er eit hus med mange ulike faggrupper innan helse og trening, og det skal bli kjekt \u00e5 f\u00e5 ei plattform der vi kan dele god informasjon og tips om alt fr\u00e5 trening til kosthald, skadef\u00f8rebygging, behandling og mykje meir, seier Kent Roger Engdal om samarbeidet dei no har avtalt med Rein Design sitt nye nettmagasin iSunnfjord.<\/p>\n\n\n\n

Kroppen er ein heilskap, s\u00e5 dette blir ei spalte med meir enn berre treningstips.
Kent Roger er dagleg leiar p\u00e5 Spenst F\u00f8rde. Og huset han snakkar om som skal st\u00e5 for ei fast spalte p\u00e5 nettstaden iSunnfjord er Helsehuset.<\/p>\n\n\n\n

75 tilsette og helse i fire etasjar<\/h3>\n\n\n\n

Med sentral plassering i Sentrum S\u00f8r er visjonen om \u00e5 skape eit helsehus med mange tenester langt p\u00e5 veg fullf\u00f8rt. Fire etasjar i Helsehuset er fylt med mange ulike tilbod og faggrupper.<\/p>\n\n\n\n

I tillegg til treningssenteret Spenst F\u00f8rde, finn ein Stamina,  som er ein viktig akt\u00f8r innan bedriftshelseteneste. Dessutan fysioterapeutar, akupunkt\u00f8r, ern\u00e6ringsfysiolog, legar, mass\u00f8r, psykolog, ultralyd, jordmor og minst seks personlege trenarar. Kent Roger, med si sjukepleiarutdanning, hadde ideen meir enn ti \u00e5r tilbake i tid. <\/p>\n\n\n\n

Han gler seg stort over \u00e5 kunne sj\u00e5 at meir enn 75 personar har sin arbeidsplass p\u00e5 huset. Og f\u00e5r Kent Roger det som han vil stoggar det ikkje her. Vi har konkrete planar for nye tiltak og tenester, men er ikkje heilt klare med \u00e5 kunne fortelje n\u00f8yaktig kva.<\/p><\/blockquote><\/figure>\n\n\n\n

\"\"
Livleg i resepsjonsomr\u00e5det p\u00e5 Spenst n\u00e5r seniorane er ferdig med ein gruppetime. D\u00e5 er det kaffi og frukt p\u00e5 menyen. Foto Spenst<\/figcaption><\/figure>\n\n\n\n

Ser med lengt fram til opning av Spenst!<\/h3>\n\n\n\n

P\u00e5 grunn av smittesituasjonen har Spenst vore stengt i fleire m\u00e5nadar.
\u2013 Det har vore nokre seige m\u00e5nadar, seier Kent Roger. \u2013 Og nokre spennande pressekonferansar der vi n\u00e6rast har g\u00e5tt rundt oss sj\u00f8lv i spenning om vi f\u00e5r opne snart. Vi har vore skuffa fleire gonger, men no har f\u00e5tt ein dato \u00e5 halde oss til. Vi opnar 15.juni, og d\u00e5 er vi veldig klare.<\/p>\n\n\n\n

Han kan ikkje f\u00e5 fullrost nok dei mange medlemane som har fortsatt \u00e5 betale p\u00e5 medlemskapen sin trass i stenginga.
\u2013 Dei skal vite at dei har gjeve eit godt bidrag til at vi skal opne eit senter som er minst like bra som d\u00e5 vi stengde. Og dei fortener ein stor takk for solidariteten dei har vist, seier han.<\/p>\n\n\n\n

F\u00f8rdianarane er veldig heldige!<\/h3>\n\n\n\n

P\u00e5 sp\u00f8rsm\u00e5l fr\u00e5 iSunnfjord om Spenst F\u00f8rde er eit av dei beste og mest allsidige treningssentra i Norge seier Kent Roger at det er vanskeleg \u00e5 rangere.<\/p>\n\n\n\n

\u2013 Men vi f\u00e5r mykje skryt av studentar som kjem fr\u00e5 Oslo eller Bergen, som seier dei ikkje hadde venta \u00e5 finne eit s\u00e5 allsidig og vel utstyrt treningssenter i F\u00f8rde. I tillegg til moderne tredem\u00f8ller og godt utstyr som ein vanlegvis finn p\u00e5 treningssenter, har vi  gode treningssalar og mange gruppetimar med f.eks yoga og zumba. Og CrossFit-avdeling for dei som likar det.<\/p>\n\n\n\n

Mange av medlemane har ogs\u00e5 tilgang til basseng, spa og boblebad p\u00e5 Sunnfjord Spa som Spenst er medeigar i p\u00e5 Scandic Sunnfjord Hotel.
\u2013 F\u00f8rde har ogs\u00e5 to gode treningssenter til: Puls F\u00f8rde og Kjetils Gym. F\u00f8rdianarane er veldig heldige som har s\u00e5 gode treningsfasilitetar, meiner han.<\/p>\n\n\n\n

I bil fr\u00e5 Lavik, og med buss fr\u00e5 H\u00f8yanger<\/h3>\n\n\n\n

Og som med mange tilbod i F\u00f8rde er heile Sunnfjord, og vel s\u00e5 det, nedslagsfelt for Spenst F\u00f8rde. Ein familie kjem saman i bilen sin tre gonger for veka fr\u00e5 Lavik for \u00e5 f\u00e5 \u00f8ktene sine. Og andre tek bussen fr\u00e5 H\u00f8yanger for \u00e5 f\u00e5 l\u00f8yst sveitten.<\/p>\n\n\n\n


Likevel er det ein ting som gler Engdal meir enn noko, og det er den gode auken i medlemstalet for dei over 60 \u00e5r.
\u2013 Siste par \u00e5ra er det denne gruppa som aukar mest. <\/p><\/blockquote><\/figure>\n\n\n\n

Mange av dei g\u00e5r p\u00e5 fleire gruppetimar for veka, og trenar vel s\u00e5 mykje som mange ungdommar gjer. Vi har lagt vekt p\u00e5 at det ogs\u00e5 skal vere fint sosialt, s\u00e5 vi spanderer frukt og kaffi p\u00e5 dei etter timane. D\u00e5 er det livleg og kjekt i resepsjonsomr\u00e5det v\u00e5rt, smiler Kent Roger.<\/p>\n\n\n\n

\n