Bli med i Kongleriket sin teiknekonkurranse!
Er det fleire enn oss som synast kvardagen er litt rar no for tida? Mykje tid heime, lite sosial kontakt med venner og ingen organiserte fritidsaktivitetar kan gjere noko med humøret til kvar og ein av oss. Så derfor vil vi gjerne sjå korleis din kvardag ser ut i ein liten teiknekonkurranse! Finn fram fargeblyantane og teikn i veg.
Kvar fredag fram til påske trekkjer vi ein heldig vinnar som kan ta med familien på ein valfri restaurant i Sunnfjord og ete for 1000 kroner, når kvardagen blir litt meir normal igjen.
Be nokon ta bilete av teikninga di og send den på e-post til marknad@ssf.no. Vi trekkjer ein vinnar kvar fredag, så teikninga må vere i innboksen vår i løpet av torsdagen. Skriv også kva restaurant du har lyst å ta familien med og ete middag på, dersom du skulle bli den heldige vinnaren.
Helsing alle dyra i Kongleriket!
